失覺晒，原來黃大仙街坊最齊心同埋最堅。
頭先cable個直播見到警察喺黃大仙捉人，又出防暴又舉旗，問題係黃大仙班人根本冇衝擊，最好笑係企最前嗰班有阿伯，有拎住外賣嘅人，有肥師奶，有細路仔有細路女，有紋身佬，當中應該有3成人仲要著拖鞋，8成人冇帶口罩，點解呀？因為佢哋真係街坊嚟㗎！
我見有個唔關事嘅阿嬸喺商場走出嚟狂鬧防暴警察，要佢老公拉返轉頭；又見有個爸爸係咁鬧，要老婆同個女拉住。
最後防暴收隊，呢班街坊仲要追住佢哋小，一步都冇後退。
真係估你唔到黃大仙👍🏻
PS 我知㗎喇，一陣又有藍絲留言話佢哋全部係暴徒，又話佢哋收咗美國錢，又話冇帶口罩只係扮街坊，又話我亂咁作亂咁寫，是但啦！有啲嘢在心中。
Search